هَمَسات القلب ودقّاتو

بتحكي عنّو وعن ذاتو

يسوع الحلو مش غيرو

ساكن  روحي  بحياتو

نسماتو بترشح من بعيد

بتحمِلْ عِطر  ومْواعيد

وباقة حقّ بأحلى عيد

بِعطرّها   بدمعاتو

الغالي نزل من سماه

تارك  مجدو  وحِماه

وصمّم  يحملنا معاه

وجواز السَّفَر دماتو

ما بَخَاف من بُكرة

ويسوعي ربّ القُدرة

حلقه حلاوة ونُدرة

وكل الشِّفا بطلاتو

خلف الجبل والتلال

بْصدح نَغَم وموّال

بقول للخاطي تعال...

اشرب من مياتو