ربما يكون المطرب الأكثر سرعه في التعبير عن الأحداث الأخيرة، إذ سجل المطرب الشعبي شعبان عبد الرحيم أغنية جديدة تعبيراً عن انفعاله بأحداث ماسبيرو التي تسببت في مقتل 25 شخص، وإصابة 350.

الأغنية الجدية بعنوان "مش هم دول المصريين" كتبها له إسلام خليل، ومن المقرر أن يتم تصويرها علي طريقة الفيديو كليب لعرضها علي الفضائيات قريباً.

شعبولا أعرب عن استيائه الشديد من الأحداث الأخيرة، وحزنه على سقوط ضحايا من  الجانبين متسائلاً "لماذا نرفض أن يضرب الجيش الشعب، ونسمح للشعب بأن يضرب الجيش؟"، وتابع "يصح يا جماعة بعد ما انتصرنا مسلمين ومسيحيين في حرب أكتوبر نفرّج الناس علينا؟ كده مصر هتروح مننا لأننا لسه ما فوقناش من اللي حصل".

كلمات الأغنية الجديدة تقول:
مش هما دول المصريين/مش هما.. دول ناس تانيين/ معندهمش ضمير وأكيد لا مسلمين ولا مسيحيين/فيه إيدين غريبة وسطينا/لابد نوعى لنفسينا/دى بتزرع الفتنة ما بينا/ونفسها تولع فينا/أنا ياما قولتلكو نصايح/للى جاى فيكوا وللى رايح/عايزين نشوف مستقبلنا/وكفاية وقفات وفضايح/حرام بلدنا نسقطها/حرام علينا نمرمطها/حرام بجد عليكو حرام يا مسلمينها وأقباطها/هتاخدوا مصر لغاية فين/وامتى بس بقيتوا اتنين/خليكوا إيد واحدة وشوفوا/الفتنة دى جايلنا منين/الجيش ماسك نفسه وصابر/وبيوفى دايماً ويبادر/لكن اللى هيضر بلدنا/هيلاقى جيشنا عليه قادر/مين اللى قال دول متظاهرين/دول بلطجية مندسين متسلطين وبياخدوا فلوس/مش مسألة تفرقة ولا دين.